Teatro del oprimido (I) Zapalduaren antzerkia (I)

Embarcada Artivista: Teatro del Oprimido, culturas y feminismos (I) 29-30/01/2016 con Birgit Fritz y Jale Karabekir. Birgit y Jale nos ayudaron mediante sus experiencias a iniciarnos o a profundizar en esta técnica dramática participativa orientada a la transformación de conflictos.

Itsasoratze Artibista: Zapalduaren antzerkia, Kulturak eta feminismoak (I) 2016/01/29-30  Birgit Fritz eta Jale Karabekir dramaturgoek haien esperientzien bitartez, gatazken eraldakuntzara bideratutako teknika dramatiko partizipatibo honetan hasten eta sakontzen lagundu ziguten.

 

 

Zapalduon antzerkia: Combatants For Peace

Topaketan parte-hartzaileak

AYMANAyman Alhelou (Jeriko): Zapalduon Antzerkiaren kidea CFPen eta Jerikoko merkataria. CFPn sartu zen, indarkeriarik eza indarren korrelazio desorekatuaren partea den okupazioari eman dakiokeen irtenbide bakarra baita. Berarentzat, iritzi ezberdinei zabalik egoten bakarrik abia daiteke zapalkuntzaren amaierarantz. Hain zuzen, antzerkiak Aymani lagundu dio okupazio eta okupatzailearekiko gatazkari forma ematen, “entitate” bat bezala garatzen. Jerikoko Artisten Batasuneko kide izateak bere ikuspegi artistikoa eta berdintasunaren zein bestearen onespenaren adierazpena garatzen lagundu dio, erlijioa eta nazionalitatetik harago.

 

 

TAQWA ATTALLAHTaqwa Attallah (Nablus): Zapalduon Antzerkiaren praktikatzailea. “ZAi esker neure mezua indarkeriarik gabe adierazteko gauza izan naiz, eta hori, okupazioa dela eta, benetan zaila da palestinar batentzat. Antzerkia hizkuntza unibertsala da, pertsona orok deszifra dezakeena, eta neure ahotsa eta mezua munduari helarazten laguntzen didana”. Taqwak luze pentsatu ondoren erabaki zuen CFPn sartzea, behin ondorioztaturik israeldar okupazioak eta israeldar-palestinar gatazkak indarkeriarik gabeko eta bakezko bideaz bestelako soluziorik ez daukala. Harentzako antzezpena eta oholtza zapalkuntza borrokatzeko eta gainditzeko era bilakatu dira.

 

 

Maayan RahamimMaayan Rahamim (Tel Aviv): Antzerkiaren israeldar koordinatzailea CFPn. Borroka-soldadu ohia eta Israelgo armadaren eliteko unitate baten komandante ohia. Zisjordaniako lurralde okupatuetara bidalita izan zen, leku horien errealitate gogor eta konplexuaren eraginpean zegoelarik. Bere soldadutza bete ostean Tel Aviveko Arteen Akademian antzerkia ikasi zuen, eta gaur egun Israeldar Antzerkiaren aktorea da. CFPen jarduera ezagutu zuenean, mugimenduko kide egin zen eta antzerkiari buruzko ezagutzak ekarri. Chen Alonen gidaritzapean, Maayanek CFPen Antzerki taldea koordinatzen du palestinar ordezkari batekin batera.

Zapalduon Antzerkia (II): Bakea Gatazkatik Eraikitzen

MARTXOAK 11, OSTIRALA, 18:00-21:00

(ASTRA Kulturarako Fabrika Soziala)

Elkarrizketa Biribil KreAktiboa Combatants For Peace (CFP) israeldar-palestinar mugimendu bakezalearen ordezkariekin. CFPeko kideek erakutsiko digute nola erabiltzen duten Zapalduon Antzerkia Palestinan Israelgo armadaren okupazioei aurre egiteko: haien indarkeriarik gabeko erresistentzia ekintza bateratuak; artibista berrien trebakuntza; eta gatazkaren konponbidean zein adiskidetzean sakontze-lana, hala CFPen baitan nola Israel eta Palestina artean.

MARTXOAK 12, LARUNBATA, 10:00-14:00 eta 16:00-20:00

(Elai Alai Aretoko Oholtza)

Zapalduon Antzerkiari buruzko Laborategia, Combatants For Peaceko kideek batera dinamizatuta. Lan sortzaileko jardunaldia, pertsona orori irekita, denon artean ikas dezagun, nola erabili Zapalduon Antzerkia indarkeriarik gabeko erresistentzia baliabide gisa.

combatants for peace

Combatants For Peace (CFP, Bakearen aldeko borrokalariak)

Israeldar soldadu ohiek eta palestinar miliziano ohiek 2005ean sortutako mugimendu binazionala. Indarkeriaren zikloan oso erantzukizun aktiboa izan ostean, armak uzteko eta elkarrekin lan egiteko erabakia hartzen dute, elkarrizketa eta indarkeriabako ekintzen bidezko konponbide baketsua sustatzeko. CFPek lekuan bertako indarkeriarik gabeko ekintza bateratuak burutzen ditu eta Zapalduon Antzerkiaz (ZA) baliatzen dira. Egun, CFPn 30 kide palestinar-israeldar daude ZAn gaituta. ZAren ekintzen bitartez, nazio bietako errazle-taldeek belaunaldi guztietako gizon-emakumeak konprometitzen dituzte; halaber, elkarrenganako konfiantza eta laguntzari bidea ematen diete, “bestea”, “etsaia” humanizatzen lagunduz. CFPeko kideek diotenez, israeldar eta palestinar herritar ekintza kultural baketsuetan batera konprometitu egiten direnean, bertan ezinbestez dauden segurtasun indarrek ere gozatzen omen dituzte: “ZAk larritasun handiko arazoei hel diezaieke; hala ere, haren ezaugarririk handienetako bat umorearen eta ekintza fisikoaren erabilpena da, horien bitartez jendea batera daitekeelako muga linguistiko, kultural eta politikoez harandi”.

Laguntzaileak/colaboradores: Astra, Gernika-Lumoko Kultur Etxea

Foiletoa: Teatro del oprimido (II) – Zapalduon antzerkia (II)

TEATRO DEL OPRIMIDO IIConstruyendo la Paz desde el Conflicto
TEATRO DEL OPRIMIDO IIConstruyendo la Paz desde el Conflicto
TEATRO DEL OPRIMIDO II Construyendo la Paz desde el Conflicto
TEATRO DEL OPRIMIDO II Construyendo la Paz desde el Conflicto
TEATRO DEL OPRIMIDO IIConstruyendo la Paz desde el Conflicto
TEATRO DEL OPRIMIDO IIConstruyendo la Paz desde el Conflicto

ONTZI URDINA copia

Zapalduaren Antzerkiari buruzko topaketa

Gernika Gogoratuz-ek, Gernikako Bakearen Museoak eta Donostia 2016k Zapalduaren Antzerkiari buruzko topaketa antolatu dute Bilbon

Zapalduaren antzerkia1

  •  Zapalduaren antzerkia: kulturak eta feminismoak topaketak Elkarrizketa Biribill KreAktibo bat eta Laborategi bat izango ditu.
  •  Ekimen hau Donostia 2016ren programa kulturaleko Itsasoratze artibista proiektuaren barruan dago

Datozen urtarrilak 29 eta 30ean Bilboko Otxarkoagako Udaltegian Zapalduaren Antzerkiari buruzko Elkarrizketa Biribil KreAktiboa eta Laborategia ospatuko dira. Zapalduaren Antzerkia Augusto Boal-ek sortutako metodo eta mugimendua da, ikuslea bere errealitatearen eraldakuntzaren aktore bilakatzea xede duena. Saio hauetan nazioarteko bi gonbidatu izango ditugu: Austriako Birgit Fritz eta Turkiako Jale Karabekir dramaturgoak.

 Topaketen agenda:

Urtarrilak 29, ostirala, 18:30-21:30

Zapalduaren antzerkia2Elkarrizketa Biribil KreAktiboa Zapalduon Antzerkiari buruz Birgit Fritz eta Jale Karabekir dramaturgoekin. Birgitek eta Jalek, haien esperientzien bitartez, gatazken eraldakuntzara bideratutako teknika dramatiko partizipatibo honetan hasten eta sakontzen lagunduko digute.

Urtarrilak 30, larunbata, 10:00-14:00 eta 16:00-20:00

Zapalduaren antzerkia3Zapalduon Antzerkiari buruzko Laborategia, Birgit Fritz-ek eta Jale Karabekir-ek batera dinamizatuta. Lan sortzaileko jardunaldia, herritar parte-hartzaileon ardurazko zenbait gairi, Zapalduaren Antzerkiko formatu ezberdinen bidez ekin diezazkiegun.

Ekimen hau Itsasoratze artibistaren barruan dago, artibismoa edo artearen bidezko aktibismo sortzaile eta indarkeriarik gabea ardatz duen ekimena gaur egungo premia sozialei afektibo eta efektiboki ekiteko, ikerkuntza, parte hartzea eta erakusketa direla medio. Proiektua, Donostia2016ren Bake Itsasargiaren, Gernika Gogoratuz Bakearen Aldeko Aztertegiaren eta Gernikako Bakearen Museoaren argipean jaioa, 2016ean zeharko nazioarteko 8 topaketetan eta forum batean gehi beste hainbat ekintza osagaitan datza.

Informazio gehiago jasotzeko eta inskribatzeko, 688 899 950 zenbakira deitu edo alexcarrascosa@gernikagogoratuz.org emailera idatzi daiteke.

Topaketen gidarien biografiak:

birgit fritz

 

Birgit Fritz (Klagenfurt, Austria, 1966)

Antzerkiaren aktibista, dramaren pedagogoa, Zapalduon Antzerkiaren ikertzaile eta praktikatzailea. Vienako (Austria) Zapalduon Antzerkiaren plataformaren sortzailea. Kalkutako (India) Jana Sanskriti Zapalduon Antzerkiko Zentroaren eta Jana Sanskriti Ikerkuntza eta Baliabide Nazioarteko Institutuaren kolaboratzailea; Zapalduon Antzerkiaren bidezko testuinguru-proiektuen errazlea Senegalen, Kirgizistanen, Indian edo Alemanian. Liburu biren egilea, haien artean: InExActArt – Augusto Boalen Antzerki Autopoietikoa eta Zapalduon Antzerkiaren Praktika Eskuliburua (ingelesez eta alemanez).

 

Jale Karabekir

Jale Karabekir (Istanbul, Turkia, 1975)

Tiyatro Boyali Kus antzerki konpainia feministaren sortzaile eta zuzendaria. Augusto Boalen Zapalduon Antzerkiaren dramaturgo eta errazlea. Turkiako Zapalduon Antzerkiaren Zentroaren(CTO-Turkia) sortzailekidea. Isikeko Unibertsitateko Humanitate eta Gizarte-Zientzien fakultateko irakaslea. Sortu berria den Jana Sanskriti Ikerkuntza eta Baliabide Nazioarteko Institutuko zuzendarietako bat. Zapalduon Antzerkia Emakumeekin Turkian: Metodologia Feminista baterantz izenburuko liburuaren egilea (turkieraz).

 

Zapalduaren Antzerkia, DSS2016EUko beste proiektu batean ere erabiltzen den metodologia.

Zapalduaren Antzerkia Donostia 2016ren Antzerki-foruma: eta hik zer? ekimenean ere erabiltzen den metodologia da. Proiektu honek antzerkia gizarteko indarkeriak eta gatazkek eragindako sentimenduei, kontraesanei eta arketipoei heltzeko tresna gisa erabiltzea proposatzen du.

ontzi urdina